PLETZKA seu PLAEZCA

PLETZKA, seu PLAEZCA

castrum Germaniae in ditione Anhaltina, cum titulo Principatus sub proprio Principe, ex Familia Anhaltina. Conditor rami huius fuit Augustus, ex filiis Ioachimi Ernesti, et ad summam aetatem vitam produxit, mortuus A. C. 1653. Superfuêre ex Sibylla Solempsi (filia Iohannis Georgii Comitis quae A. C. 1618. ducta A. C. 1659. obiit) praeter filias Iohannam, Sophiam, Elisabetham A. C. 1618. 1627. 1630. genitas, filii Ernestus Gottlieb. Lebrecht, Immanuel, in lucem editi A. C. 1620. 22. 31. Quorum ille brevi Patris fata sequutus est, iste Princeps cordatissimus Coethensi ramo successit et Coethenam sedem transtulit, sed sine prole ex Sophia Eleconora Ursula (filia Henrici Volrathi Comitis Stolbergii) mortuus est A. C. 1669. Hic, Colonellus Suecicus, dein Candiam etiam adversus Turcas cum aliis defendit: redux inde mundo valedixit A. C. 1670. gravidâ relictâ viduâ Annâ Eleonorâ (filiâ Henrici Comitis Stolbergii) quae enixa est A. C. 1671. Emanuelem Lebrechtum, solum rami huius heredem, vide Phil. Iac. Spenerum, Sylloge Geneal. Histor. in Fam. Ascanio-Anhaltina, et in Theatr. Nobil. Europ. Part. I. p. 57.